Country singer Meghan Patrick chuan kumin chhunga a tour tur a lo duan lawksa thenkhat chu nau a pai avanga a cancel a ngaih tak thu a sawi.
February thla atang khan Patrick hian Golden Child tour neiin, a kalna lam apiangah lawm a hlawh chho hle a, mahse May 11 khan a pasal Mitchell Tenpenny nena an fa hmasa ber a pai thu an hriat tak avangin a tour thenkhat cancel a ngaih thu a sawi a ni.
Kum 39 mi zaithiam chuan, hmeichhe naupang duhawm tak hmuak tura kan lo inruahman leh inpeih a ngai a, kan theihtawpa kan lo inbuatsaih a ngaih avangin rilru leh taksa hrisel zawka kan awm theih nan June leh July thlaa tum 11 vel programme ka lo duan tawh chu cancel a ngai ta a ni, a ti.
Instagram lamah he thu hi Meghan chuan sawichhuakin, pawi a tih thu leh lungngaihna kara lawmna lam a nih avanga hrethiam turin fans a ngen a, thutlukna pawimawh tak siam a ngaih thu a sawi bawk.
Nau ka pai avang hian ka theihtawpa ka inruahman a ngai si a, ka zai ngainatute leh min duhsaktute zawng zawng hnena ka chah duh chu, ka lo let leh ngei ang, tunah chuan hahdam taka chawlh ka lak rih a ngai si a ni, a ti.