Zaithiam Elton John chuan a album thar tur a peihfel leh tawh thu a sawi a, tun tuma mi chu a danglam tak thu leh, amah pawh hun dang zawng aia a hlim thu a sawi.
Kum 79 mi Elton John chuan record a zo fel thei chu a lawm thu sawiin, kum 2024 atanga a mit lama harsatna nasa tak a tawh avangin leh a mit dinglam khawhmuh a theih tawh loh avanga a hla phuah thin dan zawng zawng a thlak thu a sawi a, a lehlam zawng tak chuan chona thar duhawm tak a ni, a ti.
Hla thu en chunga recording ti thin ka ni a, a ziak en chungin uluk takin ka bei thin. Mahse, ka khaw hmuh a that tak loh avangin kawng danga ka beih a ngai ta a, hun harsa tak ka hmachhawn chho a ni ber, a ti.
Mahse, a album thar buaipui dan chu harsain hautak chho hle mahse, hun hmasa lama ka lo tih tawh zawng zawng nen a danglam ta hle a, tluang taka ka zo fel thei ta phei hi chu ka hlimin, hun dang zawng zawng aiin ka lawmna a sang zawk, a ti bawk.
Elton John hian kum 2024 kum khan a mit dinglam a chhiat thu leh engmah a chhiar theih loh thu hi a lo sawi tawh a, vei lam chuah hman thiam chu a harsain, a hahthlak ngat ngat duh hle, a lo ti tawh a ni.
A album thar tur hi a chhuah hun tur erawh a la puangzar lo thung.