Aizawl: Union Minister of State for Consumer Affairs, Food And Public Distribution Nimuben Jayantibhai Bambhaniya chuan Inrinni khan Chawngtlai khuaa Handloom Training Centre leh PMAY-G hnuaia insakte tlawhin, SHG member-te nen VC House-ah an inkawm.
SHG member-te nen an inkawmnaah union minister chuan mipuiin SHG thil siam reng reng tha tura an rin theih nan thianghlim tak leh tha taka thil siam zel turin a chah a. Sorkar laipui chuan hmeichhia, thalai, lo neitute leh mi harsa zawkte chawikanna leh tihhmasawn a ngaih pawimawhzia sawiin sorkarin hmeichhiate tana scheme a siamte hmang tangkai turin a fuih a. SHG thil siam chhuahte pawh zau zawka thehdarh dan leh man man zawka an hralh theihna turte ngaihtuah a pawimawh thu a sawi.