Aizawl: Sawrkar laipui Ministry of Defence hnuaia zirna kalpui mekna hmun Sainik School, Chhingchhip chuan Inrinni khan an school din tan ni vawi sawmna, ‘10th Founder’s Day’ an hmang a, he hun hi Adviser to CM TBC Lalvenchhunga chuan khuallian niin a hmanpui a, Brigadier Pushpendar Sorayan, Commander of the 23 Sector, Assam Rifles pawh Khualzahawm niin a telpui bawk.
Khuallian hian tun CBSE Academics Session liam taa Sainik School, Chhingchhip atanga subject hrang hranga zirlai ti tha bikte hnenah chawimawina lawmman a hlan nghal.
He hunah hian zirlaite kutchhuak lanchhuahna ‘Arts & Crafts & Science Stream’ lam hawi exhibition ropui tak mipui tlawh theih turin an chhawpchhuak bawk.