Mizoram Police te chuan YouTube-a mipat-hmeichhiatna lam hawi thawnthu ngialngan tak, Mizo tawnga chhiar chhuahna video upload thin YouTube channel neitu mi pahnih an man.
Mizoram Police te chuan YouTube channel thenkhatah mipat-hmeichhiatna lam hawi thawnthu ngialngan tak tak chhiar chhuah thin a nih thu an dawng a, Cyber Crime Police Station chuan a chhuizui nghal a. YouTube channel pahnih, NGAITHLASUHPUITLINGHUANG (PUITLUNG HUANG) leh puitlinghuangzz (NAUPANGTIAMLOH) tih channel-te chuan Mizo tawngin hetiang thawnthu phuahchawp chhiar chhuahna video tam tak an upload tih hmuhchhuah a ni.
Cyber Crime Police te chuan NGAITHLASUHPUITLINGHUANG channel neitu Henry Lalrinpuia (29), Hunthar, Aizawl chu May 15, 2026 khan an man a, puitlinghuangzz channel neitu Vanlalhmangaihzuala (35), Chaltui, Phuldungsei chu May ni 16, 2026 khan an man bawk a ni.
Mi pahnihte lakah hian IT Act leh BNS tlawhchhanin thubuai, case no. 16/26 dt. 26.04.2026 ziah luh a ni.
Mizoram Police chuan, social media leh online platform hrang hrangah mipat hmeichhiatna lam hawi thlalak, video leh thawnthu te thehdarh khap a ni a, chutiang tite chu na taka hrem theih a nih thu an tar lang.