Aizawl: Hun eng emaw chen Central hotute dawra Delhi a thang hnuin, MNF President Zoramthanga chu Thawhtanni khan Lengpui Airport thlengin an party hruaituten an hmuak.
Zoramthanga hian June 2 khan National Security Advisor Ajit Doval chu a office-ah a kawm a, Myanmar leh Bangladesh chungchangte an sawi dun a. June 12 khan Union Home Minister Amit Shah nen inkawmin NDA conclave an thlirlet a, India sorkarin Independence kum 100-na a lawmna kal zel te, kum 2027-ah India chu developed country a nih theihna tura road map siam ‘Viksit Bharat’ chungchang te, ram chhung leh pawn politics bakah thil pawimawh hrang hrangte an sawi dun.
Chief minister hlui hi Lengpui Airport-ah MNF Senior Vice President Dr. R. Lalthangliana, MLA; Ramthanmawia MLA, Prova Chakma MLA, MNF General Headquarters atangin mi eng emaw zat leh MNYF hruaituten an lo hmuak a, chawimawina parthi an lo awrhtir.