ZPM in Mizoramah sorkarna an siam mek a, anni hi party/pawl pathum inchhunfin a, vung taka kalchho leh thalaite thlengin an bawh, an idea hrang hrang pawh thalaite ngainat leh an campaign-na auhla thlenga duh rawn an nih avangin vawiina sorkarna siam ta an ni a tih theih awm e.
An kalphung thar zawrh hrang hrangin mipui ngainat a hlawh miau avangin vawiinah sorkarna siamin, kawng hrang hrangin hma an la chho ta a, an sorkar kum chanve a thlen meuh erawh chuan buaina ril tak anmahni hian an nei neuh neuh tan niin a lang.
Pawl/party hrang hrang kalkhawm an nih miau avangin an chhungkuaah buaina neuh neuh a awm tan niin a lang a, chief minister leh a thachhangdawltu ber inpawhna a tha lo tial tial anga langte hi chhui fe tham chu a ni.
An party chhung inrelbawl danah fak an hlawh chhoh em em laiin leh zuitu pawh an neih chhoh zual mek laiin an hruaitu inruat danah leh nihna inpek danah mi pakhat thu a lal chho hle niin a lang a, an danbu thlengin siamthat tumna a awm mek niin a lang.
An chhungkaw inrelbawl dan leh sorkar khalh ngil tura an dinte chu namnul an ni mek niin a hriat a, an thu leh hla lahin ngaihpawimawh a hlawh lo mek bawk niin a hriat.
Engpawhnise, ngaihdan sawi thiang a ni a, a aia hre ril zawk pawh an awm ngei ang. Mahse, chiang tak erawh chu ZPM chhungkua hian kawng hrang hrangin buaina ril tak an nei niin a lang!