Universal Pictures tihchhuah, animation film hit zet Shrek chu a film 5-na tur tihchhuah leh a ni dawn a, June 16 khan a trailer tihchhuah niin, thlirtu a ngah nghal hle.
Kum 2001 atanga tihchhuah Shrek ah hian a character hrang hranga aw thawhtute pawh a ngai an ni leh dawn a ni.
Shrek 5 hi July 1, 2026 an tihchhuah tura ruahman niin, December 23-ah tihchhuah tura ruahman leh a ni bawk a, hei hi a tichhuaktu DreamWorks kum 25 tlin lawmna tur pakhat a ni bawk.
Shrek 5 ah hian Mike Myers, Cameron Diaz leh Eddie Murphy te chuan a changtute aw an thawh leh dawn tih July 2024 khan puan chian tawh a lo ni a, February 2025 khan aw thawhtute hian thuchhuah an lo nei zui tawh bawk a ni.
Aw thawhtute zinga mi Mike Myers chuan Shrek kalphung leh a film awm dan chu nuam a tih thin thu leh a tihphur thin thu a lo sawi tawh a, aw thawhtute nen kan thawhhona a that thu leh nuam an tih thu sawiin, rokhawlhna a awm loh chuan aw thawhtua la tan zel pawh a duh thu a lo sawi tawh bawk.