Bollywood lemchan thiam Saif Ali Khan chuan a fate chu Pathian pakhat chauh a awm a, hming tam tak a nei thung, tia a hrilh thin thu a sawi.
Tun hnaia an kawmnaah Saif chuan, Muslim ka ni a, mahse Kristian zirtirna leh hual velna hnuaia seilian ka ni. Kristian zirtirna hrang hrangte hi ka hre hle. An biak inah ka kal fo a, ka school kalna apiangah an rinna kawng kawhhmuhna ka dawng tam hle, a ti.
Ka nuin naupangte ka nih atangin Pathian pakhat chauh a awm thu hi min hrilh thin a, mihringte erawh chuan hming hrang hrang kan vuah thung. Hei hi ka fate hnena ka hrilh ber thin dan a ni, a ti bawk.
Saif Ali Khan hi Muslim nimahse, a nupui lemchan thiam ve tho Kareena Kapoor erawh Hindu a ni ve thung a, an sakhuana avanga buaina an neih ngai loh thu a sawi bawk.
Krismas kan hmang ang bawkin, Diwali pawh kan hmang leh mai. Kristian zirtirna hrang hrang atanga zichhuak ni mah ila sakhaw dang tei theih lohna ka nei ngai lo a, inpawh tlang taka inkuahkhawm hi ka duh dan a ni reng thin, a ti.
SAK leh Kareena te hi kum 2007-08 chhoa film an chan dun lai atanga inngaina chho niin, October 16, 2012 khan Mumbai-ah an innei a, tunah hian fapa pahnih Taimur Ali Khan leh Jeh Ali Khan te neiin, Saif Ali Khan hian fa hmasa dang a nei bawk.