Aizawl: National Doctors’ Day pualin Manipal Hospitals Broadway chuan Nilaini khan Aizawl Press Club-ah chuap natna enkawl dan leh natna inven dan an sawi a, chanchinbumite nen inkawmin Mizoram nena thawhho dan tur te an sawi.
Dr. Debraj Jash, HOD – Pulmonology, Manipal Hospital, EM Bypass & Salt Lake Cluster (Broadway + Salt Lake) chuan chuap natna chu furah a awm duh tih sawiin hetiang kawnga invenna tha a awm theih nan enkawlna tha leh enkawl vat a pawimawh thu a sawi.
Dr. Jash chuan furah natna hrang hrang – pneumonia, bronchitis leh fungal infection a awm duh tih sawiin asthma, COPD, allergies te chu natna tlanglawn a nih thu a sawi a, enkawlna tha zawk pe turin Manipal Hospital an inhawng reng tih a sawi bawk.
Lalhmingliani chuan enkawlna a dawn dan sawiin Aizawlah hun rei tak enkawl a nih hnuah Manipal Hospital-ah refer a ni tih sawiin Dr. Jash-a’n a enkawl hnu kar khatah danglamna a hmuh thu a sawi a, thawk lama harsatna a neih thin a bo tih sawiin hlawhtling takin a inenkawl thu a sawi.
Manipal Hospital hian canver natna vei telin Mizo damlo tam tak enkawl tawh an ni a, Mizoram sawrkarin damlote tana a duan, MUHCS nena thlunzawm niin an damdawi in kaltlangin a thlawnin damlo enkawl theih an ni a, Kolkata bakah India khawpui hrang hrangah a awm bawk a ni.