Aizawl: Mizoram Police, Assam Rifles leh Special Bureau, Chawngte te chuan Thawhlehni khan Zorinpui, Lawngtlai district huam chhunga Hmawngbuchhuah-ah Methamphetamin tablet Kg 1.8-a rit an man a, Rs. vaibelchhe 5.4 man nia chhut a ni.
Heng team-te hian an thudawn bawhzuiin an rinhleh in pakhat an dap a, Meth leh mobile phone pahnih leh a neitu mi pahnih an man a. An mi man zinga pakhat hi Myanmar khua leh tui a ni.
Ruihhlo leh a neitu nia puhte hi Bungtlang Police Station-ah chhui zui leh dan anga hmalak a nih theih nan hlan an ni.