Netflix-a film hmuhnawm tak zawn buai hi a awlsam lo thin hle a, chuvang chuan tunkar tawpa en tur film tha tak chhawpchhuahsak i ni dawn a; hahdam taka screen hmâa i \hut fel hnu-ah hmetchhuak tawh mai rawh le:
Tick Tick Boom
7.5/10 IMDb | 88% Rotten Tomatoes
New York khawpuia composer ropui tak nih tum chanchin a ni a, eizawnna kawng a nih loh erawh chuan chhe fai vek thei a nih vangin a hlauthawng ang-reng hle. Chutih lai karah hmangaihna leh thiantha lam thila pressure na tak chin fel tur lo awm bawk nen, engtin tak ni zel ang maw le..
The Lost Daughter
6.7/10 IMDb | 95% Rotten Tomatoes
Hmeichhe pakhat a tawn hnu a, a nun hlui chin fel miah loh lo awm ve reng hi college professor hian engtinnge a buaipui dawn le. Italy ram a zinnaa thil thleng hian a nun pum a nghawng nasa mai si a.. A hmei-chhiatpui atchilh ve tlat thin, a fanu lehzel lo lang ve hian a nun hmasa lam kha a hriat-chhuah tir uai uai ta si a..
Jeen-Yush
8.2/10 IMDb | 86% Rotten Tomatoes
Part three thleng awmna Kanye West chanchin tarlanna documentary hian rimawi khawvela rapper lar tak dinhmuna hlangkai thei tura a kawngzawh leh thil tawn hrang hrang te i hmu thei ang. Vawiina hriatlar anih chhan i man fiah uar ang.
The Power of the Dog
6.9/10 IMDb | |94% Rotten Tomatoes
Tunhnaia film lar ah hian ranch enkawltu intithu leh inti lal em em maiin, fapa pakhat nei tawh a nupui thar nena lo haw, a unaupa a nuihsawh dan tawrhhlelhawm tak, a hnu a beisei loh tak thil lo thleng zui nghal mai hi engnge ni ta ang le..
I’m Thinking Of Ending Things
6.6/10 IMDb | 82% Rotten Tomatoes
Hmeichhe tleirawl pakhat, hlauthawng leh ngaihtha lo angreng taka a bialpa thar nu leh pate awmna, farm fianrial taka a zui ve ta mai kha a tifuh dawn nge ni a, a hlauhthawnna kha a taka nemnghehsak a ni zawk dawn le?