Aizawl: Saitual Town Planning & Development Committee chu an chairperson, Prof. Lalnilawma, ninister hovin Saitual Master Plan ruahman mek thlen chinte enhovin an thukhawm.
Bialtu MLA ni bawk, Prof. Lalnilawma chuan Saitual Town Planning & Development Committee-in a lo ruahman tawh angin Saitual Master Plan siam tura hma lak chhoh mek zel a nih thu a sawi a, “Ruahmanna awm sa rinchhanin ramri pawh rin fel tawh a ni,” a ti.
Minister chuan Action Plan hi kum 2046 tin zawn chunga siam a ni dawn tih sawiin ram intodelh leh hmasawn ni tura sorkar laipui hmalakna atan pawha a tangkai ngei a beisei thu a sawi.
Minister chuan line department leh VC-te chu Action Plan siam kawngah theihtawp chhuah turin a fuih a, Saitual mipuite tan kawng hrang hrangah hmasawnna a thlen ngei a beisei thu a sawi bawk.
Thutkhawmah hian Pu Lalhruaitluanga Ralte, Asst Director (Town Planning), UD&PA chuan Master Plan chungchang te sawi zauin Town & Country Planning-in zirchianna a neih atanga department hrang hrang data an lakkhawmte a tar lang a, sawihona neih zui a ni bawk.
Committee chuan Chief Town Planner chu Saitual Town Planning & Development Committee Member Secretary ni tura rawtna chu a pawm bawk a ni.
Thutkhawmah hian Saitual Town Planning & Development Committee Vice Chairman leh DC, Srinivas Sadi, Saitual SP Vivek Kumar Maurya, Lalhmangaihzuali, Deputy Director (Town Planning) UD&PA bakah Saitual Town Planning & Development Committee member te an tel a ni.