Spice Girls lar vanglai takin mimal thila harsatna tawk nia insawiin, a chhuak thut a nih kha! Geri Horner chuan mipui hmaah ngaihdam dilna a nei.
“Thil sawi duh ka nei a, hman hmana sawi tawh awm tak pawh a ni ang. Pawi ka ti a, Spice Girls ka chhuahsan kha ka inchhir tak zet. Naupang chhia ang mai kha ka ni. Kan tih loh tawp tur ka ti a ni,” tiin Geri a sawi.
Kum 28 liamta a thil thlengah khan Geri (Ginger Spice) hian taksa chauhna namen lo a neih avang leh chawlh mamawh tlat nia insawia chhuanlam siamin, a thiante a mangtha. Hemi hnu rei vak lovah a thiante nen an inhlat ta hle tih a hrechhuak.
“An zinga tel thei tawh lo tur leh Spice Girls ka ni ti ve thei tawh lo tur dinhmunah ka ding a, min mamawh tawh lova hriatna ka nei nghal bawk a, mi chuangtlai mai mai nia inhriatna ka nei,” a ti.