FIFA world cup khelh mekah a hmawr bawk a ni dawn hnai tawh a, semi-final zanin atanga khelh tur niin, final chu Pathianni zanah khelh a ni dawn.
Tum danga la tih ngai loh angin final-ah hian half time show ropui taka neih tum a ni a, zaithiam rual an che dawn a ni.
Hemi chungchang hi world cup official song satu Shakira chuan sawichhuakin, fans ten an hriatreng theih tura show neih tum a ni, a ti.
The Capital Evening Show-ah Shakira chuan he thu hi sawichhuakin, Madonna, BTS, Justin Bieber leh Coldplay te nen kan inlan dawn a, history ropui tak hnutchhiah kan tum, hriatreng tlaka inlan kan tum, a ti.
A khuhhawnna leh a tawpa an inlan tur chu a dan a dang zar dawn nia sawiin, keimahni zawn theuhah a ber theuh nih kan tum a, khawvel pum hriatreng tlak hnutchhiah kan tum a ni, a ti bawk.
World Cup final halftime show hmasa ber hi Pathianni, July 19 zanah neih tur niin, New Jersey-a MetLife Stadium-ah minute 11 chhung awh tura ruahman a ni.