Power minister hoa deapartment hotute thukhawm chuan inrinni apianga power shutdown awm thin tihtlem ni tawh se an ti a, zawm hlawh ngei bawk teh se.
Power department hi department zawng zawngah a hah pawl leh a thawk nasa pawl an ni ngeiin a rinawm a, chhun leh zan pawh sawi lova mipui tana ke pen thin an ni.
Hetih lai hian an hmanrua leh electric bungrua hrang hrangte hi a hlui deuh a awm nual tawhin a rinawm a, department hotute thukhawm hian thlak ngai thlak a tul thu an sawi bawk nen, a tul angin inrinni ni lova thlak dante hi zawng thuai se la, an harsatna hrang hrangte hi chingfel thuai thei se a tha hle.
Inrinni apianga fiamthua current siam ni tia sawi thin hi bo telh telh se la, power supply tel lova hnathawk thei lo kan tam telh telh a, inrinni te hi hna kau teh hun, hna tul tam hun a nih thin avangin power shutdown tireh tur hian hmalak thuai thuai a tha hle tawh reng a ni.
Thawktute inpekna leh hmalakna hrang hrangte a fakawm a, mipuite mamawh awlsamna hrang hrang min thlentute an nih avangin sorkar pawh hian power enkawltu lam hi ngaihvenin, ngaihsak se la, inrinnia shutdown lak ngai fo thin hi tih reh thuai ni mawlh tawh teh se.