Aizawl: MPCC President Lal Thanzara chuan an pawl constitution tlawhchhanin Nilaini khan vice president tur mi pathum a ruat belh a, an term chu tuna MPCC term ding lai ang tur a ni.
Vice president atana ruat thar te hi Zodintluanga Ralte, Ex-Minister, Durtlang; H. Rohluna, Ex Minister, Ramthar leh John Siamkunga, Ex MLA, Thakthing te an ni.
MPCC hian a hmain vice president pathum – Ngunlianchunga, John Rotluangliana leh RL Vala te an lo nei tawh a. Officer bearer dangte chu Senior Vice President Lalnunmawia Chuaungo leh Treasurer Dr. Lalmalsawma Nghaka te an ni.