Mizorama sorkarna chelh mektu ZPM party chuan September thla hian an party hruaitu thlanna an nei dawn a, boruak a inmung ru chho nasa tawh hle nia sawi a ni.
Tuna an president (elected) Lalliansawta leh vice president (elected) W. Chhuanawma, MLA te chuan an hriselna lam that tawk lohna avangin an hna an chelh mumal thei lo viaua sawi an ni a, chawlh pawh an pawi tih lohna a rei tawh niin party mi thenkhat chuan an sawi hial.
Hetih lai hian an term tawp thlenga hmang tlang tura nawrna a nat em avangin an la inawi nung hram hram zel ni berin a lang a, September thla hi chuan hruaitu thar an nei ngei tawh dawn niin a lang ta.
Tun hnaiah sorkar-na kawnga an hruaitu pahnih chief minister leh home minister inkarah engemaw a awm niawma chhui dawn theih turin Mosia leh Joshua pawl a lar hle a, hei hian inthlan thlengin a nghawng zui lovang tih a sawi theih loh.
An party danbu in a ziah danin chief minister leh minister tan OB post a chuh theih loh a, chutiang a nih avang chuan an hruaitu lawkte hian an president tur atan hian anmahni naute dah dan an ngaihtuah ngeiin a rinawm a, hei hi a ngaihnawm lai tur a ni bawk.
Pawl/party hrang hrang kalkhawm, nihna insemzaia luangkhawm an ni a, sorkarna fawng an chelh takah chuan CM leh minister te tan pawh an party hruaitu tur chuan an mi hriatchian sa dah chu a finthlak hun lai tur tak a nih avangin Mosia leh Joshua pawl hi a lar zui zelin a rinawm a, ZPM party inthlang tur hi a boruak a sang chho nekin a rinawm.