SiriusXM’s Andy Cohen Live-a a inlannaah Elizabeth Hurley chuan Miley Cyrus chu a ngainat thu leh a zai chu a duh chi a nih thu sawiin, a pa nena kan inkawp hma pawhin ka ngaihthlak tam ber a ni, a ti.
Billy Ray Cyrus hi ka duh a, kan inzawmna hi a nghet a, chutah a fate ka hmu thei leh an zinga ka awm ve thei thin hi ka tan thil nuam leh vanneihna nasa tak a ni, a ti bawk.
Kum 61 mi Hurley chuan, Miley phei hi chu naupang te a nih laia a rawn larchhuahna zawng zawngte kha ka la hre vek a, tun thlengin ka la en ning thei lo, tunah kum 33 a ni ve tawh a ni mai thei, mahse ka duhna hi a la nep eih lo, a ti.
A music video te hi ka hmaih ngai lo a, ka duh chi a ni. ‘Wrecking Ball’ music video te khan ka ennawn tluk tluk a, ka la duh reng fo thin, tiin a sawi.
Billy Ray leh Miley te nu Tish Cyrus te hi kum 28 zet an inneih hnuah April 2022 khan an inthen a, Tish hian kum 2023 khan Dominic Purcell nei lehin, Billy Ray erawh nikum June thla atang khan Hurley nen hian nghet takin an inkawp zui a ni.