Pramod Sawant chu Nilaini hian Goa chief minister atan lak luh a ni dawn niin BJP chuan an sawi.
BJP Legislative Party chu Thawh\anni hian an \hukhawm ang a. Nilainiah emaw, a tukah emaw lak luh inkhawm chu neih a ni dawn niin BJP chuan an sawi.
“Nimin khan Delhi-ah ka kal a, naktuk hian Legislature Party thutkhawma tel turin observer-te an lo kal ve thung ang a. Lak luh inkhawm pawh a tuk tlaiah neih a ni ang,” tiin chief minister hian a sawi.
Sawant-a hian Inrinni khan an hruaitu dang, Vishwajit Rane-a nen Union Home Minister Amit Shah chu New Delhi-a a chenna inah an kawm a. Rane-a pawh hi chief minister ni thei hnai nia sawi a ni.
“Inkawmhonaah hian Goa chungchang thil hrang hrang kan sawi,” tiin Rane hian PTI a hrilh.
Chief minister nihna chelh lailawk mek, Sawant, Rane leh Shah te hi Goa-a bial 40 awmna assembly inthlana BJP-in bial 20 an lak hnua sorkar siam dan tur sawia an inkawmna a ni a. Maharashtrawadi Gomantak Party (MGP) MLA pahnih leh independent MLA pathumin saffron party hi thlawpin vaukam hrul state-ah hian a vawi thum nan sorkar siam an tum.
BJP hian vote tla zinga 33.3% changin Congress-in 23.46% an chang a, kum 2017 inthlan aiin 5% velin an hmu tlem.
BJP hian Goa-a sorkar siam dan tur enpui tur hian union minister pahnih, Narendra Singh Tomar leh L Murugan te chu a ruat a. Nilaini khan Sawant-a hian Prime Minister Narendra Modi pawh hmuin sorkar siam dan tur a sawipui a, hetah hian Goa in-charge Devendra Fadnavis, desk in-charge CT Ravi, Goa BJP chief Sadanand Shet Tanavade leh state general secretary Satish Dhone ten an \awiawm.
“Kan party chu Goa mipuiten an tana thawk leh thei tura min thlang chhuak hi kan lawm hle a. Hun lo kal zelah Goa hmasawn zelna turin kan thawk zel ang,” tiin Sawant-a hian Modi-a nena an inkawm zawhah a sawi.