Aizawl: Central sorkar Ministry of Road Transport and Highways (MoRTH) chuan National Highway 306A (Km 45.00 to Km 94.32) Vairengte atanga New Vervek inkar, km 49.320-a thui kawngpui siamna tur sum Rs. vbc 93.51 atan Mizoram PWD hnenah approval leh sanction a pe.
He sanction dawn tak a nih chungchangah hian MoRTH chuan Mizoram PWD hnenah July ni 31, 2026 khan Administrative Approval, Technical Approval leh Financial Sanction-te chu a pe fel a ni.
ZPM chuan Chief Minister leh PWD Minister-te hmalakna hrang hrang chu MP Lok Sabha Richard Vanlalhmangaiha’n central ministry lamah theih tawp chhuaha a lo bawhzui zelna rah duhawm tak a ni a. Mizoram hmar tlang dung leh a chhehvel mipuite tana kawngpui pawimawh tak tur hi sanction a lo ni ta chu thawktute leh tualchhung mipuite tan a lawmawm hle tih an sawi.