BJP chuan chawlhkar hnih a zawnin chanchin duhawm loh an nei a, kar hmasaa Education Minister Dharmendra Pradhan-a bân thawmin ram pum a luah laiin tun karah pawh assembly by-election pahniha chak loh result nen kar bul an tan.
BJP hian Thawhtannia Bihar-ah an party chief Nitin Nabin-a’n a kalsan, Bankipur bial leh Madhya Pradesh-a Datia-a by-election result tihchhuahah an chak lo a ni.
Hetih lai hian rorel lai party-in by-election chu an chana dah deuh thin a nih angin Gujarat-a Manjalpur bialah erawh chiang takin an chak.
Bankipur-a an chak loh hi a na zual tura ngaih a ni a, inthlan hnuhnung berah khan vote 50,000 chuang zetin an chakna a ni.
BJP hruaitute chuan an chak lohna hi an zir chian tur thu an sawi a. Booth tin enchiangin Jan Suraaj Party chief Prashant Kishor-a’n hnehna a chan theih chhan chu chhui chhuah an tum a. Poll-strategist thin, politic-a lut ta hian a party tan state assembly-ah kawng a hawng ve ta thung a ni.
BJP hian RJD tam takin Kishor-a an vote niin an chhut a. Party chief Tejashwi Yadav-a hian darkar khat chauh campaign-in hun a hmang thung.
BJP hian RJD leh PK inkara khi lian tak awmin a nghawng bawk niin an ngai.
Hruaitu pakhat chuan RJD hian assembly inthlanah khan an voter tak tak an kai tho va, an kal dan avangin Kishor-a hian BJP zinga chi sangte vote a la ta niin a sawi.
Inthlan hnuhnung berah khan RJD candidate Rekha Gupta-i’n vote 46,000 chuang a hmuh laiin tun tumah erawh chuan 15,000 awrh chauh a hmu a ni.
BJP-in vote an hmuh zat hi hmun thuma thena hmun hnih velin a tlahniam a. Party hruaitute chuan an mi thenkhatin an hawi lam an thlak nia sawiin an inennawn tur thu an sawi a. Chief minister tur anga Kishor-a an sawina chuan ‘mi a kaihruai dik lo’ nia an ngaih thu an sawi bawk.
Mi thenkhat chuan BJP hian an candidate an thlak avangin vote tam tak an hloh niin an ngai bawk.
Party hian campaign turin tual chhunga an hruaitute chauh ring ngam lovin National President Nabin-a pawhin vawi li ngawt a tlawh a; mahse, NEET zawhna put vanga lungawi lohna, UGC guideline leh Bharat Tiwari encounter te chuan mi tam tak rilru a la peng niin an ngai.
Bihar-a zirlaite lungawi loh lantir leh an laka police chet danin a nghawng bawk niin mi thenkhat chuan an ring.
Datia-a an chak lo pawh party chhunga sawiseltu nei tan, Madhya Pradesh Chief Minister Mohan Yadav-a tan thil tibuai thei a ni.
An mawhpuh tur ber erawh minister hlui, he biala vawi thum tling tawh, Narottam Mishra-a’n dinna a chan loh avanga thil thleng chu a nih a rinawm a. Amah chuan party tan campaign mah se a thlawptuten tharum an thawh nasa a. A chenna hmuna polling booth-ah pawh an chak lo.
BJP hruaitute chuan Datia hi a harsa niin an sawi a, a hmaa state puma an party thli a tleh lai pawhin an lo chak lo tawh thin tih an sawi.
Datia-ah hian Congress candidate a chak a ni.