Zaithiam Shawn Mendes leh Bruna Marquezine te chu thuthang hrang hrang awm thin karah an inkawp ngei tih nemngheh a nih thu khawtlang lam media te chuan an chhuah nasa ta hle.
Thla tam tak chhung chu an pahnih hian inthup takin an awm a, anmahni lam lahin thuchhuah leh engmah sawi an nei bawk si lo. Rin dan hrang hrang a tam hman hle.
Mahse, tun hnai khan Mendes chuan instagram lamah Marquezine piancham lawmpuina hi rawn dahchhuak thutin, hei hian an inkar a nemnghet chiang hle nia sawi an ni ta.
Mendes hi kum 2019 atanga 2023 thleng khan zaithiam ve tho Camila Cabello nen an inzui a, Brazilian model Marquezine pawh hi an ram footballer Neymar nen an lo inkawp tawh bawk a ni.
Mendes kawppui Marquezine hian media lamah umzui a hlawh nghal hle a, amah hi August 4, 1995 khan Elle-ah piangin, a nu leh pate nen Rio de Janeiro khawpui hnaih Duque de Caxias-ah khawsain, a seilian a ni.