Tom Cruise leh Katie Holmes fanu, kum 20 mi ni ve tawh Suri chu Scotland-a Edinburgh Fringe Festival-ah inlanin, hetah hian William Shakespeare-a drama thenkhat channaah a inlan ve dawn a ni.
August ni 6 atanga tan he festival hian August ni 19 thleng a awh dawn a, Suri hian a costume thenkhat nena a inthuamna tih lan niin, a nu leh pa hnungzuia film industry lut tura duhtu an tam hle.
July thla khan Suri hian a hming tawpa a pa hming a chhawm chu dan hmangin a lo paih tawh a, a nu hming a chhawm tel chauh pu tawhin, Suri Noelle tiin a inziak tawh a ni.
Suri leh a nu hi an la intlawh pawh tawn hle nia sawi an ni a, hetih lai hian a pa nen erawh chuan an inbe pawp lo nia sawi a ni thung.
June 2024 a dan hmanga a hming a thlak hma hian zirna in lamah pawh a nu hming pu hian a lo inziak lut tawh a, June 2024 a anni lama zirna in sang, high school a zawh pawh khan Suri Noelle tia zirchhuakte thlahna hun hmannaah puan niin, hetih lai vek hian a pa Cruise erawh London-a Wembley Stadium-ah Taylor Swift-i Eras Tour tawiawmin a lo awm thung a ni.