Information & Public Relations, Printing & Stationery Minister B. Lalchhanzova hovin a chamber-ah Mizoram Film Development Committee (MFDC) an thukhawm.
Thawhlehnia thutkhawmnaah hian Minister B. Lalchhanzova chuan film leh a buaipuitute hmasawnna leh thanzelna tur chu a rualkhai ang thei bera Committee-in an ngaihtuah a pawimawh thu a sawi. Film industry thanzelna chungchang sawiin minister chuan, “Film hmasawnna kan sawi hian a buaipuitute, a mihring thiamna leh an hmasawnna tur pawh ngaihtuah tel a ngai a ni,” a ti.
Minister chuan Mizoram film industry than zelna atan Corporate Social Responsibility (CSR) leh kawng hrang hrang a hman theih em tih chu member-ten lo zir chiang se a duh thu a sawi bawk.
Thutkhawmah hian Mizorama Film Industry tihhmasawn nana hmalak dan tur hrang hrang sawiho a ni a; film hmasawnna atana budget/sum tam zawk dah a pawimawh thute tar lan a ni a. Hei bakah hian Mizoram Film Forum (MFF) leh I&PR lamin Ailawnga an din, film shoot nana hman Zokhua chu tihchangtlun zel a ngai a ni tih tar lan a ni bawk.