Fenerbahce-in € maktaduai rukin Romelu Lukaku an dawr a, Napoli-in thutlukna la siam lo mah se Belgium forward hi Turkish League-ah a insawn hmel tawh hle niin Fabrizio Romano-a’n a tar lang.
Kum 33 mi hian a vanglai a pel ve tawh a, ram tana khelh la chawlhsan lo mah se kumin World Cup kha a hnuhnung a nih a rinawm tawh.
Season hmasa khan hliamin a tlakbuak avangin a inkhel tam lo va, Napoli tan vawi nga inlanin goal khat a khung a. Coach thar, Massimiliano Allegri-a’n a man phu tawka lei duh an awm chuan hralh a pawi ti lo nia sawi a awm.
Hetiang boruak karah hian season hmasa Turkish Super Lig-a 2-na, Fenerbahce-in nomawi lak ngei an tum tawh avangin Lukaku lak an duh a.
Yellow Canaries hian tun nipui bazarah € maktaduai 81.17 an seng tawh mah se Belgian forward manah an buai a rinawm loh.
Kar hmasa khan Mohamed Salah chuan Liverpool atangin Trabzonspor a zawm bawk.