Aizawl: Mizoram State Commission for Protection of Child Rights (MSCPCR) chuan naupang kaihhnawih pawikhawihna a thlenin, dan anga naupangte dikna leh an nihna humhim kawngah mipuite leh media-te fimkhur lehzual turin a ngen.
POCSO Act, 2012 Section 23 dungzuiin, hursualna kaihhnawiha naupang a tuartu leh a tisualtu an nihna — an hming, thlalak, leh chhui chhuah theihna tur reng reng thehdarh a khap tlat a ni.
Commission chuan tun hnaia Assam Cachar district-a Mizoram mi kumtling lo pahnih rukbo leh pawngsual tawk pawikhawihtute man an ni chu lawmawm a tih thu leh, dan anga an chungthu rel fel a nih theih nan Assam SCPCR an hriattir thu an tar lang.
Hei bakah, pawl hrang hrangin nawrh leh lungawilohna an lantirnaah zirlai leh kumtling lo hmatheh a, tel tir tawh lo turin mipuite a chah bawk.