Aizawl Municipal Corporation (AMC) Councillor-te’n Reiek khuaa Mizorama plastic road hmasa ber zir chiang turin an tlawh a. Reiek tlang thenfai hnatlang an nei nghal.
March 18, 2022 khan Approach Road to Tourist Resort at Reiek chu AMC Councillor te chuan riah chilhin an zir ho a. He kawng hi Mizorama plastic road hmasa ber niin, Chite lui a\anga polythene hnawmhnawk chhar khawm hmanga Save Chite Lui Coordination Committee leh Mizoram PWD \angkawpin kum 2020 a an siam a ni a. Kawng siamtute hi PWD, Aizawl Road South Division an ni.
Plastic Road thui zawng chu 0.800 m. a ni a, a zau zawng chu 5.50 m (approx.) a ni. Kawng siamna atan hian plastic her nawi chu rora leh alkatra chhuan sat (premix carpet/PMC)-ah pawlh a ni a, alkatra kg 100 zelah plastic kg 8 zel hman a ni.
Approach Road to Tourist Resort at Reiek zirchiang tur hian AMC Deputy Mayor R. Thanglura (Ward XII), Executive Councillor Laltlanzova Khiangte (Ward IV) leh Solid Waste Management Committee Vice Chairman John Zosangliana Ralte (Ward VI) te’n hoin, anni bakah Rosiamngheta (Ward V) te, Vanlalneia (Ward VII) te, Lalfakzuala Chenkual (Ward XIII) te, Ramthanzauvi (Ward XIV) te, Zodingpuii (Ward XV) te leh David Zohmangaiha (Ward XVII) te an tel bawk.
He hunah hian Save Chite Lui Coordination Committee hruaitute, AMC hnuaia Solid Waste Management Committee member-te, Reiek Village Council hruaitute leh Zotrex Adventure Club hruaitute leh member \hahnem takte an tel bawk a ni.
Plastic Road zirchian rual hian Zotrex Adventure Club-te kaihhruaiin Reiek Tlang panna kawngah leh tlang chhipahte helai hmun tlawhtute sulhnu hnutchhiah bawlhhlawh chhar fai a ni a. Bawlhhlawh phurh chhuahna turin AMC in bawlhhlawh paih motor an ngaihtuah sak a ni.
AMC hnuaia Solid Waste Management Committee (SWM Committee) hmalakna in Mizoram chhunga kawng siamna hrang hrangah plastic hnawmhnawk te chu nasa zawk hman \angkai dan tur kawng zawn mek a ni a. Luangmuala AMC ramah Plastic Management Centre din turin hna \an a ni a. Cachar District-ah leh Tripura-a Plastic Road siam zawh tawhte pawh SWM Committee hian a hmunah kal chilhin zirchian zui zel an tum a ni.