Excise & Narcotics Department (END) chuan ni hnih chhungin mi pariat hnen a\angin ruihhlo \hahnem tak an man.
March 17, 2022 tlai lam khan Lungleiah Ganja kg 10 leh a neitu nia puh mi pathum – Micky Lalrammuana (18), Luangmual; Vanlalsiami a.k.a Gita (38), Luangmual leh Lalthlamuana (28), Farm Veng, Lunglei nia inchhalte chu an man a, ganja an phurhna Auto Rickshaw pawh END hian an hrensak a ni.
March 18, 2022 hian Lungleiah hian heroin gram 16.70 (hawng 1) leh a neitu nia puh – Biakthangkima (41), Ramthar, Lunglei-a khawsa nia inchhal an man bawk.
Hemi ni vek hian END in Vaivakawn-ah heroin gram 67 (Hawng 5) leh a neitu nia puh mi pahnih – Lalhruaitluangi (20), Sakawrdai (tuna Rangvamual Mel-3-a khawsa mek) leh Malsawmchhungi (42), Buang khua, Champhai District (tuna Vaivakawna khawsa mek) nia inchhalte chu an man.
March 18, 2022 zan dar 7:15 khan Zonuam vengah Assam Rifles nena thawkdunin END hian heroin gram 250 (Hawng 20) leh a neitu nia puh mi pahnih – Lalramsanga (26) leh Zahmingliani, Lungkawlh khua ve ve nia inchhalte chu an man bawk.
Ruihhlo vanga mante hi The Narcotic Drugs & Psychotropic Substances Act 1985 tlawhchhanin thubuai siamsak vek an ni.