Aizawl: East Tuipui bialtu MLA Ramthanmawia chuan a hmalaknaa ruahman Khawbung health leh education project-te a hmunah tlawhin kalpui mek dan leh sak zawh a nih tawh dan a enfiah.
Nilaini khan bialtu MLA Ramthanmawia chuan Rs vbc 3.57 senga sak zawh thar Khawbung PHC leh Rs vbc 46.35 senna tura sak mek Khawbung Eklavya Model Residential School (EMRS) building-te a hmunah a enfiah a, hna tha taka thawk tura chahin, khawtlang mipui pawh rohlu tak takte mahni ta anga veng leh vil zui tlat turin a chah a. Zirna in lian EMRS leh Health Care Center (PHC) te hi bial mipui ten an tangkaipui ngei a beisei tih a sawi.
Bialtu MLA chuan sorkar hmasain bul a tan tawh thil tha tak takte sorkar tharin tha taka a chhunzawm sak avangin lawmawm a tih thu a sawi bawk.
Nilaini vek khan East Tuipui bialtu MLA Ramthanmawia chuan ‘Tuipuiral Badminton Championship 2026’ chu Khawbung Community Hall-ah Khuallian niin a hawng bawk a ni.