Colombian zaithiam Shakira chuan an ramin lirnghing avanga chhiatna nasa tak a tawrh hnuah awm mai mai bik lovin, kartir khan chhiatna thlenna hmun thenkhat a tlawh a, tanpuina a pek tur thu a sawi.
Kum 49 mi chuan ka ramin harsatna leh hrehawmna nasa tak a tawk hi pawi ka ti a, hei hi kan inpumkhat lehzualna tur ni thei se ka duh hle. School building tam tak tlusawpte leh naupangte chunga chhiatna hrang hrang thlengte hi hmuh a hrehawm a, an tan a tangkai tak mialin, a tula hman atan dollar maktaduai 1.25 ka thawh ve duh a ni, a ti.
Shakira hian an ram khawpui pakhat Choco a tlawhnaah hian, Colombia ram hi malin a awm ngai lo ang, a theihna zawnah keipawh ka tang zel ang. Hmalam panin kan kal zel ang a, chhiatna atang hian dingchhuak tha leh turin theihtawp i chhuah ang u, tiin mipuite a sawm bawk.
Shakira thawh tur pawisate hi Shakira leh Live Nations bakah Fifa Global Citizen Education Fund atanga thawhkhawmte niin, hengte hi Shakira foundation-ah dahkhawmin, Choco-a school 10 sak thatna tura hman a ni dawn a ni.