Aizawl: Union Ministry of Education-in ram chhunga zirtirtu tha chawimawina sang, ‘National Teacher Award 2026’ dawng tur mi 48 a thlan chhuah zingah Govt. Lunglei Electric Veng High School Headmistress Lalnunmawii a tel.
Chawimawina hi kumin Zirtirtute Ni, September 5, 2026-ah New Delhi-a Vigyan Bhawan-ah India president-in a hlan dawn a ni.
National Teacher Award hian certificate, silver medal leh Rs 50,000 a keng tel a ni.
Lalnunmawii hi LH Lianzama, Lunglei Electric Veng nupui niin, B.Sc (Mathematics) graduate a ni.
Govt. Lunglei Electric Veng High School hi tun hma chuan zirlai tlem tete awmna leh result pawh duhawm vak lo thin a ni a. Lalnunmawii’n he sikul-a hna a zawm hnu hian a thawhpuite nen theihtawp chhuahin zirlai thiam thei lote leh chhungkaw harsa zawk atanga lutte an enkawl a, HSLC exam-ah result tha tak tak an nei chho ta zel a ni.
Tunah hian a hmaa seat 70 vel lek awm thin kha seat chang lo an awm chhoh tak avangin zirlai 100 vel zetin zirna an chhunzawm mek a ni.