Bollywood top model zinga mi Kareena Kapoor chu naupang thuthang anga a chanchin a darh vak hnuah naupai a pai loh thu sawiin a tawngchhuak ve ta.
August 21 khan a gym kal haw lam chu thlalatu hoin lo la fuhin, hetah hian raipuar a ang hle a, hemi hnu hian a pasal Saif Ali Khan nena an fa pathumna tur pai mek anga thuthang a awm nghal a ni.
Hetia a chanchin a darh vak hnu hian a chhuahna lamah thlalatu ho nen intawng fuh lehin, hetah hian Kareena chuan motor a luh hmain nangni ho hian fiamthu in duh ber mai, min tibuai zo vek alawm, tiin nui chungin a be hlawm a, a hnuah social media lamah nau a pai loh thu a sawi zui bawk.
Kareena Kapoor hi hun engemaw chen an inzui hnuah lemchan thiam Saif Ali Khan nen kum 2012 khan inneiin, fa pahnih – Taimur Ali Khan leh Jehangir Ali Khan te an nei tawh a ni.