Ruahtui tlak duh hun lai a ni a, tlang hri leng hrang hrang tam duh hun lai, fimkhur hun lai a ni bawk. Mitinin kan hriselna kan ngaih pawimawh thar a la tul reng.
Hetih lai hian lei a hnawng a, leimin leh lung tlak duh hun lai a nih bawk avangin kan chetvelna en fimkhur a tul hle. Tin, current line hrang hrang endik fo a tul hle.
Tun hnai ni 3/4 chhung lek pawhin electric kal sual avangin nunna hlu tak lakin a awm leh a, a pawi thin hle a ni.
Chhiatna hrang hrangte hi kan chunga a lo thlen hun tur a hriat loh a, tute pawhin tawk thei reng kan nih avangin kan fimkhur a, kan hmuhma kan enfiah that fo a va tul em.
Lei hnawng avanga elecric kal sual a awm leh thinte hi a veiawm a, thawktu lam pawhin a theih ang anga enfiahin, a bik takin eletric ban leh transformer hnaihte hi a him leh him loh enfiah fo a tha hle mai.
Vanduaina a thlenin a pawi tur angin a pawi tawh thin a, nunna hlu tak lakin a awm ta fo maite hi harhchhuah nan hmang tlang ila, thawktute leh department hrang hrangte pawhin kan hmunhma endik that kawngah tan i la thar leh ang u.