Aizawl: Home Minister K. Sapdanga chuan Mizoram chhunga district 10-te inhmang tawm turin Forensic Science Laboratory chu hmun thuma thena siam tum a nih thu a sawi.
Ningania Assembly session-a zawhna leh chhanna hunah Home Minister chuan MINECO-a Forensic Science Laboratory Directorate Office bakah District Mobile Forensic Unit (DMFU) chu district pathum — Aizawl, Lunglei leh Champhai-ah te din a nih tawh thu House a hrilh a. District tinah Laboratory Van khawl dah ni mah se, a khawihtu (thawktu) lam indaihlohna a nasat thu sawiin, sum dinhmun thlir chungin thawktu lak belh leh laboratory din belh dan tur chu a tahtawla ngaihtuah zel tum a nih thu a sawi.
Hei bakah hian Laboratory bungraw enkawlna leh hmasawnna atan sum buaipui reng a nih thu sawiin, Finance Department-ah pawh sum dilna te thlen thlak a nih tawh thu leh sorkar lamin theih tawp chhuaha tan an lak zel thu Minister chuan a sawi bawk.