Pushkar Singh Dhami chu a term hnihna atan Uttarakhand chief minister a ni leh dawn ta a. Tun hnai inthlanah tling zo lo mah se Thawh\annia BJP Legislature Party \hutkhawm zawhah party chuan an puang a ni.
Dhami-a hi a bial vawn lai, Khatima-ah ding lehin a tling zo lo va; mahse, kum 46 mi hi a vawi hnih nana an party an sorkar leh theihna tura campaign-ah hruaitu ber niin a thawh hlawk hle.
BJP-a an state observer pahnih, Union Minister Rajnath Singh leh hruaitu hlun, Meenakshi Lekhi hova legislature party \hukhawm chuan chief minister atan an thlang nawn leh ta tho a ni.
Dhami-a hian Thawh\anni zan khan governor hmuin sorkarna a siam theih thu a thlen nghal nia hriat a ni.
Chief minister hi inthlan hma thla reilo te chauh a ni hman a; mahse, tun \umah pawh hian rinkai ber chu a ni sa a, hnehna an chan theih nana a thawh nasatzia chu mi tam takin an hriatpui.
Ani bakah hian chief minister hlui, Trivendra Singh Rawat; Union Minister Ramesh Pokhriyal Nishank leh hruaitu hlun, Satpal Maharaj te chu sawi rik an ni bawk a. Anni hi Dhami-a a tlin zawh loh avanga sawi rik an ni deuh zual.
Dhami-a hi Prime Minister Narendra Modi-a lam\ang ruh tak a nih puah lamah an party ideological mentor Rashtriya Swayamsevak Sangh-a rinawm tak nia sawi a ni.
Chief minister a nih leh tur thu pawh hi Pathianni khan Modi-a pawhin sorkar siam dan tur sawihonaah a pawmpui tawh nia sawi a ni bawk.
Dhami-a hi an state-a an party chhunga intibing bik an awm lohna tura thlan nia sawi a ni bawk.