US Open first round-ah Novak Djokovic chuan Argentine Mariano Navone chu 6-7 (5-7), 7-5, 6-4, 2-6, 1-6 a hneh loin a tla nghal.
Serbian star hi a chak loh avangin a mittui a tla a, khawvel tennis player ropui ber zinga mi hi kum 39 mi a nih tawh avangin a vanglai hun a pel tawh tih a chiang ta hle.
Tun tum inelnaah hian Djokovic hi seeded no. 4 a ni a, Grand Slam champion vawi 24 zet ni tawh mah se thahrui a ngah tawk tawh lo va. Set hmasa ber la lo mah se set thumna zawhin 2-1 in hma a hruai a; mahse, set hnuhnung pahnihah thahrui a ngah tawk lo.
Djokovic hi a towel dahna bawmah a luak hial a, a chau tih a chiang a. Inkhelh zawhah, “Mariano hnehna chan sawi nep sak ka duh lo a, theihtawp chhuah mi a nih avangin ka fak duh. Chutihrualin ka nuam sam lo a ni,” tiin a sawi.
Tun tum hi US Open 1st round-a Djokovic tlak hmasak berna a ni.