Mizote hi inhungbikna dan tha tak nei, pate hnam ang pu chho a, chutianga kal chho thin hnam kan ni a, hei hi khawvel hnam ropui tak takte lokal thin dan pawh a ni.
Mizo Zirlai Pawl (MZP) chuan kum sawm chuang liamta atang khan September ni 2 apiang hian hnamdang nupui pasal nei lo tura inzirtirna ni an hmang thin a, hei hi a thain, inzirtirna tha tak a ni a, tihfo zel chi pawh a ni bawk.
Tun hnaiah he kan hnam dan hi duh tawk lo a, siamthat duh mizo hmeichhiate zingah an awm a niawm a, mizo fa nih duh chuan kan hnam dante hi a thatzia sawi fo zawk tur niawma a lan laia khing duh an lo awm leh thin hi a pawi hle.
Mizote kan vak darh chho ve zel a, ram hrang hrangah kan hmeichhiate pawh pasal neiin, hnam dang nei pawh kan tam chho ta zel a, mipate pawh hmun hran awm kan kat ve ta nuk mai.
Engpawh kan chungah thleng se, mizote hi pa hnam vuan a, pate thisen zel inchhui nana hmang kan nih avangin kan hnam kal zel tur ven nan hnamdang nupui pasala neih loh hi kan himna a la ni reng a, khawvel hmasawnna sang zel karah hnamkhirh leh in la nih pawh hlawh dawn mah ila, Mizo ni tura kan pian tawh miau avangin kan tan chuan Mizo hnam dan leh tihdan phung hi a la tha reng zel tih hi i hre thar ang u.