Khawvel hmasawnnain min luhchhuah nasa tawh viau a, kan ram ngei pawhin tlawhtu hrang hrang neiin, khawvel hmuhah kan ram mawina kan pholang chho mek a, mitinten nun dan mawi kan zirchho mek zel a, thil lawmawm lam a ni.
Khawpui chhunga lirthei tlandan enkawltu traffic police te pawh an hawihhawm tawhin, tunhma anga lirthei tlan ding hle hle lai vin tak taka biak leh auhte an ching tawh lo a, a lawmawm viau. Hmasawnna chikhat pawh a ni bawk.
Hetih lai hian tunlai hian traffic police thenkhat mi ding tha hle hle lai aubuai a, vin tak taka biak ching an la awm a, inenfiah deuh an ngai hle.
School tam tak a awm tawh a, school naupang hruai hun laia lirthei rei lote hun zawk pawh rem ti lo, tek hmuam ang maia pawr nghal em em an awm leh thin hi inenfiah teh se.
Unau rual deuhah phei chuan nau hruai lirthei vawi 2/3 kal ngaite an ni hlawm a, heng mite hi parking-a dah mai rem si lo, tlan haw thuai a, kal leh nghal ngai chite an ni a, chung mite pawh ngai thei lo, traffic tih jam phah chuang si lote hi chu hotu sang lam atang pawh hian an naute duty dan leh chet dan hi enpui thei se a tha hle.
Mi hi kan fel tawh kan intih lai hian hetiang mite hi ram leh khawpui hmel timawi lotute an ni a, thinchhe deuh kutpalh emaw, duh loh zawk thleng palh thei an ni tihte inhre thar se a va tha em.