Aizawl: BJP Mizoram chuan Thawhlehni khan party state office Mipui Rûn, Upper Republic, Aizawlah Prime Minister Narendra Modi-a kum 25 chhunga politics zinkawng hriatrengna leh mi dang tana luanchhuahna thla khat chhung awh tur, ‘Sewa Sankalp Abhiyan’ pualin State Level Workshop an nei.
State General Secretary Delson Notlia kaihhruai he zirhonaah hian State Vice President JB Rualchhinga chuan PM Narendra Modi-a piancham, September 17 atanga tanin, October 17, 2026 thleng ram pum leh Mizoram hmun hrang hrangah midang tana luanchhuahna hun leh PM Scheme enfiahna hrang hrang hman a ni dawn tih a sawi.
PM Modi-a’n mi rethei a hmangaihna leh ram tana a inpumpaurna chu chhuanawm a tih thu sawiin, “BJP hi kalphung fel leh democracy puitling zawh party a nih vangin hotu lian nihna chelh kawp leh chhungkaw thil hmun pek a ni ve ngai lo va, hei hian hmasawnna nasa tak a thlen a ni,” a ti.
He workshop-ah hian BJP District leh State Sewa Sankalp Abhiyan member-te, Morcha hruaitute leh State Core Group member-te an tel a. State Convener Pu Delson Notlia, State Co-Convener Lalrinkima leh State Secretary Jacinta VL Zawmi te chuan Power Point Presentation hmangin he Abhiyan chhunga hriat tur leh hmalak dan tur pawimawhte kimchang takin an zirtir bawk.