Vaihlo leh a kaihhnawih vei a ngai viau tawh
Nimina National Health Mission Mizoram hnuaia National Tobacco Control Programme (NTCP) leh MJA Gen. Hqrs. tangdun in workshop an neihnaah Mizoram chu kum 13-15 inkar zuk leh hmuam, vaihlo kaihhnawih ti nasa ber kan ni a, kum 15 chin chunglamah pahnihna kan ni bawk.
Heti tak maia vaihlo leh a kaihhnawih kan ti nasa hi a veiawm a, cancer rate-a kan hniam theih miah loh nachhan pawh hi a ni tih a chiang reng mai. Engtia hmalak nge tha ang a, engtia tihreh chi nge tih hi sorkar atanga zirchian ngai leh hmalak ngai a ni. Ralpui phiara kan phiar a, tih reh tuma tan kan lak a va ngai em.
Zirchianna atanga sawi a nih danin, zirlai kum 13-15 inkar vaihlo atanga siam tihching zingah nghei tum mek zirlai zaa 52 an awm a, zirlai meizuk ching zaa 53 chuan nghei an tum mek a, zaa 59 chuan a hmuam chi nghei an tum a, zaa 50 chuan a ngawl an lo vei tawh an sim a ni.
Hetiang hi kan dinhmun atanga lan dan a la ni a, engtia tih reh chi nge ni ang a, hmalak a nih ang tih hi ngaihtuah a ngai a, kan ram runtu vaihlo leh a kaihhnawih hrang hrang hi tih rem tuma hma kan lak nasat hi a ngai tak meuh tawh a ni.
Sim tum percentage pawh hi a la sang lo hle mai a, zirna in atanga tan a, nasa zawka inzirtirna kan kalpui hi a ngai a, chutiang tur chuan sorkar hian ruahmanna tha zawk leh nasa zawk a siam ngei hi a tul hle tawh a ni.