Charlie Puth leh a nupui Brooke Sansone Puth te chuan kum hnih lai an inneih cham an thleng ve ta mai chu lawmawm an tih thu sawiin, Charlie chuan nuam a tih tak zet thu a sawi.
An inneih champha tak hi chu kartir, September ni 7 kha ni tawhin, a hnuah an thlalakte an rawn dahchhuak ve chauh a, hlim takin an hmang ni ngeiin a lang.
‘See you again’ satu zaithiam, kum 34 mi hian an inneih tirh lai ang mai khan a nupui chu a hmangaihna a la ngai reng niin a sawi a, pumkhat kan ni, tiin duhsak tinreng nen a nupui hi an inneih cham lawmna thu a phuahsak a ni.
An pahnih hian anmahni private account ve veah duhsakna an inhlan tawn nasa hle a, nikum lam pawh khan am takin an inneih cham hi an lo hmang tawh bawk a ni.
An nupa hian an fa pakhat nei tawhin, an fa hmasa ber Jude chu kumin March 13 khan a piang a, ‘Hey Jude..3.13.2026’ tiin lawmna thu mawi tak an lo siam tawh bawk.