Katie Holmes leh a kawppui thar Jason Bard Yarmosky te chuan hlimlai par tlan mekin, hmun hrang hrangah hun nuam tak an hmang chho reng a, New York Fashion Week lamah pawh an tel dun.
Nilaini khan an pahnih hian runway show kal dunin, kum 47 mi Holmes pawh a la nalh hle a, a kawppui thar nen hian inhaw lo takin thlalatute an hmachhawn a ni.
A kawppui thar Yarmosky hi kum 39 mi niin, artist lar tak pakhat a ni. An hun hmanna hrang hrangte vantlang hmuha tih lan nei chhoin, an inkar a tha chho nitin a ni.
An pahnih inkar hi July thla vel atanga intan kha nia sawi niin, an pahnih erawh hi chuan engmah sawichhuah an nei lo thung a, September 1 kha Yarmosky birthday niin, instagram lamah Katie hian a rawn wish tak a, a thlum chhoh tak zel avangin an inkar hi a nghet tawh hle nia sawi an ni.
Hemi hnu hi chuan hmun hrang hranga an kaldunna hmuh tur a awm chho ta zeuh zeuh a, hlimlai par an tlan mek niin a ngaih theih tawh a, inhaw lo takin vantlang hmuh theihin an inzui chhuak ta fo bawk.