Kum 58 mi Celine Dion chu September 12, Zirtawpni khan kum ruk hnuah stage-ah a rawn kir a, mittui nen lawmthu a sawi.
Full concert neiin Dion hi a rawn kir leh a, a live performance hnuhnung ber chu Covid-19 rawn inlan chhoh hun daih tawh kha niin, ani hi hripui leh avanga inhnukdawk hmasa ber niin, a hnuah stiff-person syndrome a neih zui avangin a reh ta vang vang a ni.
Dion-i hian France khawpui pakhat Nanterre-a Plenitude Arena-ah hun hmangin, kum 1998 a a hla ‘On Ne Change Pas’ hmangin a hlate hi a khuh hawng a, hla a sa tan chauh tih hian a mittui hruin, a hnuk a ulh nasa hle a, a hnuah stage a kir leh theih avanga lawm lutuk hnukulh a nih thu a sawi a ni.
A zai zawh leh a zai hma hian France leh English tawngin a fans te hnenah lawmthu a sawi a, amah duhsaka thlawptu tam tak a la nei leh, a zai ngaihlutu an la awm chu a lawm tak zet tih a sawi bawk.