Justin Bieber leh a kawppui Hailey Bieber te chuan September 13 khan an inneih cham’ kum 8-na lawmin, an hlim hle a, social media lamah pawh an in wish-na a thlum tawn hle.
Kum 32 mi zaithiam leh a kawppui kum 29 mi Hailey te hian kum 8 lai innei tawh mahse an inhmangaihna erawhin zual lam a pan zel niin an sawi a, nitina bultan reng ang an la nih thu an sawi a ni.
Instagram lamah an pahnih thlalak hrang hrang dahchhuakin, an inneih cham’ lawmna hi an hmang nuam hle niin a lang a, kum 8-na nuam tak a nih thu an sawi bawk.
Justin leh Hailey te hian kum 2014 khan an inzui nia sawiin, thuthang an nei tan a, kum 2016 khan an inkar hi a nghet niin vantlang hriatah an rawn puang.
September 13, 2018 khan New York khawpuiah inneiin, a kum lehah South Carolina lamah an vawi hnih nan inneihna an siam zui leh bawk.
Kum 2024 August thla khan an fapa Jack Blues chu piangin, kum 2 mi a ni ve tawh a, an chhungkua hian hun hlimawm tak hmangin, chhungkaw duhawm tak an din chho zel niin an sawi bawk a ni.