Bollywood lemchan thiam Kareena Kapoor chuan a fate pahnih chu mobile phone leh computer atchilh theihna laka an him nan an screen time theihtawpa a uluk pui thu a sawi.
Tun hnaia an kawmnaah a fate chungchang hi Kareen-a chu zawh niin, a fate pahnih – Taimur leh Jeh te chu laptop, phone leh computer khawihtir loh tawp chu a harsat thu sawiin, a theih ang ang erawh chuan hunbi ka siamsak thin a ti.
Naupang dangte ang bawkin tunlai thiamna leh hmasawnna hi an hre ve vek a, mahse an hun hman dan tur hi ka ruahmansak a ngai nasa hle. Ka pasal (Saif) hian a lutuk min tihsak chang pawh hi a awm, mahse a tawk ka tih chinah chuan min rawn hnial ngai lo, a ti bawk.
AI te hi a hlauhawm a, hmang thiam tur chuan ka duh. Mahse, a hlauhawmna zawk hian a bawhbuai hmasa ang tih ka hlau a, enkawl an hautak hun lai tak a nih avangin an hun hman dan tur hi ka vil uluk a ngai hle, tiin Kareena Kapoor chuan a fate chungchang a sawi a ni.