Aizawl: BJP Mizoram President Dr K Beichhua, MLA chuan Prime Minister Narendra Modi piancham leh sorkar hnuaia kum 25 chhung chawl lova a rawngbawlna lawmna pualin India ram pumah ‘Sewa Sankalp Abhiyan’ chu September 17 atanga October 17, 2026 thleng neih a ni dawn tih a puang.
Thawhlehnia an party pisa-a thu thar thehdarhtute a kawmnaah Dr K Beichhua chuan, he campaign hi ‘Jan Seva Hi Prabhu Seva’ (Mipui rawngbawlna chu Pathian rawngbawlna a ni) tih thupui hnuaiah kalpui a ni dawn a, mipui tana rawngbawlna neih tam leh Welfare Schemes puanzar te chu a tum ber a nih thu a sawi.
BJP Mizoram President sawi danin, a hmaa ‘Seva Pakhwada’ hmang thinte mah se, kuminah Modi-a’n Constitutional Head (Gujarat CM leh PM) a nihna hnuaia kum 25 rawngbawlna a tlin pualin thla khat chhung a awh dawn a ni. Campaign chhung hian Mizoram pumah September 17-ah thisen pek runpui neih a ni ang a, zan dar 7-ah ‘Aashirwad Ka Diya’ hmanga lawmna hun hman a ni ang.
Zirlai intihsiakna, Anganwadi leh ASHA thawktute chawimawina, central leh state welfare schemes inzirtirna camp leh Viksit Bharat 2047 hmathlir tihlarna programme-te a tel bawk ang.
Dr K Beichhua chuan he campaign hi political programme mai a nih loh thu leh mipui rawngbawlna a nih avangin BJP worker-te, tlawmngai pawlte, thalaite leh mipui zawng zawng thahnemngai taka tel ve turin a sawm a ni.