Aizawl: Rural Development & Administrative Department Minister Prof. Lalnilawma hovin I&WR Conference Hall-ah VB G RAM G leh scheme dangte thlunzawma department hrang hrangte inkara thawh hona tha zawk a awm theih dan tur chungchang sawi hona, ‘Convergence Workshop’ neih a ni a, RD&AD hotute bakah Scheme hrang hrang kalpui thin department hrang hranga hotute an tel.
Minister chuan VB G RAM G hnuaiah convergence chu thil ngaih pawimawh berte zinga mi a nih thu a sawi a, RD&AD department chu department hrang hrangte thawhhopui tura an inhawn reng thu sawiin, hna thawh dan tur ruahmanna ‘Viksit Gram Panchayat Plan’, October thla atanga siam turah pawh department hotute chu ruahmanna leh rawtna te thlena, tel vek turin a sawm bawk.
Thingtlang atanga ruahmanna siam a pawimawh thu sawiin, ‘Aizawl khawpui chauh kan tih hmasawn a, thingtlang khuate kan hlamchhiah leh si chuan, viksit bharat kan thleng thei ngai dawn lo’ a ti a, hemi atana pawimawh ber chu thawh hona (convergence) tha neih leh thawktute inpekna a nih thu a sawi. Official-te fuihna thu sawiin hna thawhna tura state-in sum kan hmuhte hi a tlem lo hle a; chuvangin hmasawnna hna kan thawhte leh kan sum hmannate hi a inmil em tih hi inzawh fo a pawimawh dawn a ni’ a ti a, thawh hona tha lehzual hmangin Mizoram tan hmasawnna nasa tak thlen theih a nih tur thu a sawi.
Ningania hun hmanah hian RD&AD Deputy Secretary Lalvenhima’n VB G RAM G hnuaia hna thawh theih chite sawiin, Additional Secretary V. Lalengmawia’n scheme dang nena inthlunzawm theih dan a sawi bawk.