Johnny Depp chu hollywood lama a kir lehna ni turin Day Drinker movie nen a lo inlan leh dawn hnai a, a trailer tihchhuah a ni.
Kum 63 mi ni tawh Depp hi a movie tharah hian Penelope Cruz leh kum 28 mi Madelyn Cline te nen an chang ho a, Cruz, 54 mi pawhin a role a hnehsawh leh hle nia sawi a ni.
Zach Dean ziah Day Drinker hi Depp-a’n kum 2018 hnua hollywood movie lian a chan lehna hmasa ber niin, kum 2022 a a nupui hlui Amber Heard nen thubuai an neih atang khan reh vang vangin, French film lamah erawh a inlan a, hollywood lama a let lehna hmasa ber ni thungin, November a tihchhuah tur Christmas lam hawi Ebenezer a siam mek bawk.
Day Drinker hi March 26, 2027 a tihchhuah tura ruahman niin, hemi hma hian kumin November 13-ah Ebenezer hi tihchhuah tum a ni bawk.