Agriculture minister C Lalrinsanga’n Agriculture dep- artment-ah thawktu indaihlohna a nasa tih sawiin, thawktu lak belh chungchangah theihtawp a chhuah thu a sawi.
Mizoram agriculture service association (MASA) general conference, nimina Tourist lodge, Aizawla neihah he thu hi Agriculture minister chuan a sawi a. MASA member te chu mipui tana ham- thatna nasa zawk thlen thei tura thawhhona tha nei turin minister chuan a fuih bawk.
Secretary, Agriculture department J. Hmingthanmawia pawhin tunhnaia Agriculture department-in kawng hrang hranga hlawhtlinna hrang hrang a neih chhoh te avanga lawmawm a tih thu a sawi a. Hmalam hunah hlawhtlinna thar chang zel thei turin MASA member te duhsakna a hlan.
Agriculture department director James Lalsiam- liana pawhin MASA member te chu thawktu indaihlohna nasa tak awm mahse, an hnathawhna kawng hrang hrangah a thara tan la leh zual turin a chah bawk a ni.